يبقى الضعيف ماله مهابه

صباحكم / مسائكم معطر بعطور الكادي

سلام مني كل ماأصبحـت وأمسيـت

=وقبل السؤال أدري ترى بالإجابـه

قفيت عني غير أنـا عنـك قفيـت

=بينك وبين اللـي نصيتـه تشابـه

تغيـرت نيتـك فـيـه وشكـيـت

=وأنا أعرف الرجـال وأقـا كتابـه

ماني ترى ندمان لاصرت ماأخطيت

=ومن لاحسب لي كيف بأحسب حسابه

أوعدتني وش فيـك عنـي تخليـت

=ليش الخطا ياصاحبي ويش جابـه

مر وتعذر تعرف الـدرب والبيـت

=بيت عن اهل الجود ماصـك بابـه

عز الله انـي فيـك يامـا تهقويـت

=خيبت هقواتـي ياراعـي الخيابـه

لكن منك النفـس قنعـت وعزيـت

=يبقى الضعيف ضعيف ماله مهابـه

ماأتبعك يالمقفي تـرى منـك مليـت

=نفسي عزيزه والردى مـن درابـه

تراك كملـت الميـه يـوم عديـت

=مثلك تـرى مامنـه شـي غرابـه

وصلاة ربي عداد كل فرض صليت

=على النبي الهاشمـي والصحابـه

يا مرحبا ترحيب باللي له أغليت
يا مرحبا وعداد وبل السحابه

ويا مرحبا ترحيبة الملفي هل البيت
باللي كتب لبيات يا مرحبا به

أقفيت؟؟ لابالله ما عنك أقفيت
ما يقفي العاشق وانتو صوابه

لا يا خذك وسواس لا صرت ما جيت
واصابعك يا خوي ماهي تشابه

ما ينفع الرجال بالصوت يا ليت
ومن راح مقفي ما رجينا جوابه

أرفع لكم رايات بالعز والصيت
وأرفع لكم رايات حب ومهابه

أبوس راسك دامني بحكمك أزريت
وأرفعك فوق اللي نوابك خيابه

وأقول للي ما عرف قدرك أخطيت
ما يعرف القمرا سوى من سرا به

وانا تراني ماني باللي له اطريت
قلبي قوي(ن)ما يهاب الحرابه

كانك لنا وافي فآنا لك اوفيت
كانك لنا عايف عرفنا الكتابه

ورسل تحياتي على كف عفريت
ياصل مكانك مثل رمش الهدابه

تســـــــــــــــــلم يالغلا على الرد وافي وكافي فديتك